close
2017年4月11-16日 日本長野上諏訪，高遠城址公園，松本城，輕井澤，池袋之旅終於都順利完成了。
由於日本鉄路太複雜的關係，出發前做了很多research,print晒timetable, book咗機票酒店，買埋JR EAST PASS長野專用(Nagano, Niigata area) flexible 5-Day pass
每樣野都準備好之後，就可以放心出發了!!!
Day 1
我地搭香草航空的零晨2點機，早一晚大約十點到機場T2，不過去到T2所有店舖都關了，除了一間7-11。當時還未買保險的我們用匯豐ATM買了"我和我的伴侶"的保險，還真是方便呢！
搭了4個鐘頭無野食無水飲無電視睇既飛機之後，我地就以唔夠訓好攰既心落機了，一落機就好凍，大約7點到達日本成田機場。 當時JR PASS service counter未開，我地就响food court食啲野先，
不過到我地食完過到去，大約9點倒，都已經好多人排緊隊lu，要等大約40分鐘。
攞咗pass後搭成田特急Narita Express,唔使錢架，入閘既時候比張pass個職員哥哥睇，佢會蓋當天的日子印，蓋滿5日就唔用得架喇。
我們第一天去"你的名字"的取景地"諏訪湖"，並且住當地的溫泉旅館"油屋"
成田機場->新宿 [Narita express]
新宿->上諏訪站[JR中央本線]
今日第一日落雨
不過途經雪景，勁開心，中途芧野落錯車,好在這個站都幾多野買
不過途經雪景，勁開心，中途芧野落錯車,好在這個站都幾多野買
大約下午2點到達旅館，入到旅館就係咁
靚到爆炸，我們能住這家旅館心情實在太好了!!!團友都讚!check-in時服務員給了我們一個地圖!!!!一間旅館竟然會有地圖咁誇張，直頭好似玩 biohazard咁，好正，原來係因為有新舊翼，唔同既樓層搭唔同既，放低行李抖咗陣就出去諏訪遊客中心食溫泉蛋，好重奶味的雪糕，原本佢有個噴泉表現架，不過而家取消咗，轉為不定時噴高啲咁咋，响我地坐低食蛋果陣，個店員重播咗煙火節的錄影帶比我地睇，日本人真係好貼心啊，而附近居民可以响諏訪湖旁觀賞煙火比賽真係好幸福呢！之後去埋3樓資料館就離開了，離開下雨，但都照去足浴亭，超~~~~~~舒服呢!!!!當時毛毛細雨又凍，凍冰冰既腳浸落去溫度啱啱好既池，真係好幸福同享受!!! 同埋唔知係咪落雨關係，得我地4個，可以點影相都得，正啊!!!
之後急急腳返旅館食晚餐，超驚呆!!!! 及震撼，晚餐仔細到不得了!!!
整個晚餐由前菜，凍食，熱食，火煱，湯都準備好，實在太開心了!!! 我們一行4人都忍唔住相機食先，拍拍拍，很佩服日本人準備食物的心機耐性，每樣材料都用很美麗的器皿盛載，服務員們雖然不懂英文，但看得出他們很用心，想每個住客都有美好回憶，這真是很美好的回億。 晚餐後我們搭JR 去下諏訪站行AEON，為明天賞櫻野餐做準備。
到達下諏訪，出去之後向下行一條樓梯，落到去好似渠口既路之後繼續直行，過咗小隧道之後一直行，行大約十分鐘終於見到AEON,其實睇Google map都幾難搵，好彩我地有個識日文既團友問路，先識去。
行到約十一點回程，返返上諏訪，再準備落去浸24小時的室內溫泉。 酒店設有室內及湖景溫泉，室內的是24小時但湖景就有限時。
Day 2
三春農場->高遠城址公園賞櫻野餐
出發前又有個超豐富的早餐，太感動了！！
一朝早搭9點幾車去岡谷站轉車，再去伊那市站，今日我地唔用JR PASS,留返後面啲日子用。 到達伊那市站，行去伊那服務中心，搭巴士去三春農場，我們預先由香港打去預訂咗2位整面包，2位擇士多啤梨，
三春農場︰
http://miharashi-farm.com/index.html
玩完後搭返巴士返伊那士站，再搭巴士去高遠駅，到逹高遠駅，去咗神社先~不過上到去無野睇，好似無開咁
入神社前洗手先高遠城址公園:
http://takato-inacity.jp/h29/
返到旅館已經9點幾，點知前台服務員跟我們說晚餐已經準備好，還要不要吃?!!我們實在太抱歉了!!!其實搭的士的時候我已經好努力想打返旅館，可惜我唔知怎樣打，所以沒法通知旅館，實在內疚了很久!!!
懷著很抱歉的心情，看著這個仍舊漂亮的晚餐，實在是感激又感動，這家旅館真的很用心，為我們帶來了溫暖，為旅程添上了很美好的回億。
Day 3
松本城->輕井澤outlet
美麗的早餐
今天可以晚一點起床，搭大約10點JR去松本城，唔使錢架。 check-out後攞住行李行返去上諏訪站，去咗附近的芝士蛋糕店，買咗4件就出發去松本站。
行既途中比好多店舖引誘惑咗，有信洲蜂蜜店，donut店，仲有間7-11可以用手機/電話上的相片整postcard添。
雖然高遠城址公園的櫻花未開，但我們在松本城看到櫻花了!!! ^^
差唔多時間就搭JR北陸新幹線去[輕井澤]，到達時差唔多5點，我地book咗APA酒店，放低行李，衝去行2個鐘outlet先返黎check-in。無研究酒店附近有無野食，晚餐都係响outlet入面的餐廳食，食咗信洲牛飯。
食完返酒店訓覺。 酒店極度細，極度迫，喼都差唔多無位開，洗手盤水喉及花灑又難控制，非常不喜歡，不過地利位置極佳又是真的，差唔多係最近outlet的一家酒店，如果好似我地咁成日趕行程既，呢間都okay既。
Day 4
白絲瀑布->草津溫泉->outlet->池袋
輕井澤->白絲->草津的巴士 (2017年4月20號後轉時間，大家留意喔)朝早10:10(急行)巴士去白絲瀑布，上車前去7-11食個早餐先，我地買咗意粉，店員幫我地叮熱，但原來同香港唔同，唔可以响店內食，所以我地出去坐凳食。
上到白絲瀑布，落車見到綠綠草坪上滿滿白色的雪，原來剛剛才融雪呢，今個團見晒春夏秋冬景色，都幾正。
影咗大約九個字相，都夠皮lu,搭11:43巴士上草津溫泉。
上到去搵御殿場浸溫泉及租浴衣，
輕井澤->池袋 (大宮轉車)
因為我地無book指定席，不斷比人迫遷，中途推住行李過卡的時候見到一班上班族企响中間食杯面，我呆咗諗緊點推個喼過去，佢地笑然後讓位，好攪笑。
落到池袋去搵太陽城王子酒店check in (之前BOOK完先知原來係東京數一數二最猛鬼的酒店，但我地住落完全無事，哈哈)
放低行李差不多9點，落到去見到有個伯伯賣麵
伯伯很和藹，麵也很好吃!!! 大家見到佢請幫襯喔 ^^買咗8吋章魚燒，行激安行到12點，去無敵家食無敵拉麵，等咗15分鐘倒，等的時候店員會問你要中文定英文MENU, 可以叫定先。
真係好好食，開頭仲驚濃味得濟，但無喎，味道啱啱好，好好食。
我叫了骨膠原那個
太好食,連平時只吃半碗飯的我都吃光了一整碗麵,哈哈 Day 5
自由日
大宮神社->池袋 [飯田橋]
築地->柴友/池袋 [築地市場駅]
櫻花套餐酒店附近好多野行 Ladies kid/100yen店/GU/Uniqlo/bic camera
Day 6
爭取最後11-15 行藥妝店->新宿->Narita Express返成田機場
機場免稅fancl仲平過SEIBU， Seibu退稅仲要收返1%服務費，衰到死
P.S. 另有excel 路線schedule
文章標籤
全站熱搜
留言列表
{{ article.title }}